مزيكا4 عرب



 
الرئيسيةمكتبة الصورس .و .جبحـثالأعضاءالمجموعاتالتسجيلدخولضع التسجيل
Cool Dark Blue 
Pointer Glitter

شاطر | 
 

 مســــابقة مزيكا4عرب

اذهب الى الأسفل 
كاتب الموضوعرسالة
mazika4arab
مدير المنتدى
avatar

عدد المساهمات : 252
تاريخ التسجيل : 25/05/2009
العمر : 27
الموقع : http://mazika4arab.ba7r.org

مُساهمةموضوع: مســــابقة مزيكا4عرب   الأربعاء سبتمبر 09, 2009 6:51 am



بسم الله الرحمن الرحيم

احلى صباح لاحلى مزيكاتيه فى الدنيا كلها كل سنه وانتم طيبين ورمضان كريم اعاده الله علينا جميعا بالخير واليمن والبركات وجعل ايامكم دائما بالمليئه بالسعاده والهناء بأذن الله

بمناسبة طبعا الشهر الكريم انا فكرت كتير انى انزل بمسابقه هتكون مسابقه كبيره الى حد ما بس ان شاء الله هتكون لذيذه وتعجبكم جدا ونلاقى عليها اقبال وامتاع واقناع

ههههههههههههههه

انا جايلكم النهارده ومعايا الفكره اللى طرأت فى دماغى وهى عباره عن مسابقه انا سميتها بأسم تيتو لانى بعتز بالاسم دا جدا ولانها فعلا فيها حاجات جديده تمت بمجهود وتفكير شخصى وربنا

يارب ان شاء الله فكرة المسابقه تعجبكوا بعد ما اعرضها عليكوا وبستأذن طبعا مشرفين القسم العام فى انى هنزل هنا بس الفكره علشان الناس تشوفها ويبقى فى اقبال عليها وان شاء الله لو لاقينا اقبال ولاقينا الناس مبسوطه منها هنفذها بأذن الله وطبعا انا فكرت فيها ووصلت لنهايتها بس برده لازم ارجع لاخواتى واهلى واصدقائى علشان يفدونى يمكن فى حاجه تتضاف يمكن فى حاجه ممكن تتحذف وليا الشرف طبعا انكم تشاركونى فى افكارها


مسابقة
مزيكا4عرب


هى مسابقه عباره عن خمس مراحل ويمكن دى جمال المسابقه ماحدش هيمل منها ابدا بالعكس هتبقى شيقه جدا وكل مرحله هتعدى هيبقى اللى وراها اجمد و اشد

مراحل المسابقه هتبدأ بحاجه جديده خالص يمكن ما حدش نزلها فى مسابقه قبل كدا وانا بقول يمكن علشان ما اظلمش حد

تعالوا نشوف بقى مراحل المسابقه هتم ازاى ...

وقبل مانقول المراحل هتبدأ ازاى ان شاء الله اللى هيشترك معانا فى المسابقه 16 عضو او مشرف

ندخل بقى فى الاهم ..


المرحله الاولى :

مقاطع التقليد + المقاطع الموسيقيه

ان شاء الله بعد اشتراك ال 16 عضو هنزل كل يوم 5 مقاطع تقليد و10 مقاطع موسيقيه

يعنى ايه بقى ياعم تيتو مقاطع التقليد ومقاطع موسيقيه

اقولكم بسيطه

مقاطع التقليد : انتوا عارفين طبعا بعض الاشخاص اللى بتقلد الممثلين والمطربين انا كل يوم هاجيبلكم 5 مقاطع تقليد من الاشخاص دى وماعليكم الا انكم تقولوا ميييين صاحب الشخصيه اللى بتتقلد ؟؟

مقاطع الموسيقى : نفس الحكايه هاجيبلكم مقطع موسيقى لاغنيه وتقولوا مين اللى بيغنيها او مقطع موسيقى لفنان كبير وتقولولى موسيقى ايه اللى بيعزفها

كدا سهله وبسيطه اهى ..

طيب تمام

احنا قولنا كل يوم 10 مقاطع موسيقيه و خمس مقاطع تقليد كل مقطع عليه درجه يبقى كدا فى 15 درجه هيتوزعوا طبعا على المشتركين فى المسابقه او ياخدهم متسابق واحد مالناش دعوه بقى

المهم ان فى 15 درجه كل يوم ولمدة خمس ايـــــــــام وكل مشترك له الدرجه بتاعته هتتعلق فى اول الموضوع ويوم الامتحان تتكسف من بنت عمك وماتجبش منها خضااااااار

هههههههههههههههه

ان شاء الله الميعاد للمرحله الاولى هيتم بالاتفاق فى وقت معين بعد مانعرف مين المشتركين هحدد معاهم الوقت الساعه كام بالظبط علشان الكل يشترك وماحدش يبقى ليه حجه بقى ..

ماشى الكلام

دى ببساطه المرحله الاولى وان شاء الله اللى هيخرج من المرحله دى عضوين فقط وهيفضل 14 متسابق هيدخلوا معاانا للمرحله التانيه


المرحله التانيه :


المعلومات العامه والدينيه

ان شاء الله ال 14 متسابق المتبقيين بعد انتقالهم للمرحله التانيه هستضيف كل عضو لوحده كدا وهيتنفخ اسئله عامه ودينيه لما يقول جاااااااى

هنستضيف كل يوم 3 اعضاء بالاتفاق معاهم وان شاء الله هيتم عمل ايميل مخصوص حرصا على الخصوصيات

الايميل دا كل عضو هنستضيفه هيدخل بالميل معايا وهاسئله كم اسئله هو مايعرفهاش وان شاء الله هيبقى كم الاسئله دى بالتساوى على باقى الاعضاء بدون ظلم لاى حد

ان شاء الله هيكون لمدة خمس ايام كل يوم 3 اعضاء عدا اليوم الاخير هيبقوا عضوين بس وهيبقى برده بالاتفاق والمواعيد هتكون محدده ان شاء الله

هنبدأ من هنا بقى الشغل الصح وهيخرج من المرحله دى 4 متسابقين

يتبقى 10 متسابقين هيدخلوا معايا للمرحله التالته


المرحله التالته :


فوازير رمضـــــان

هى مرحله سهله جدا بس اوعاك وفوازير تيتو الرمضانيه

ههههههههههههه

ان شاء الله الفوازير هتكون سهله وهيبقى فى اختيارات بس الفوازير منوعه ممكن تكون كتابيه وممكن كلاميه وممكن حسابيه وهيكون برده على الميل كل عضو على حدا

هنستضيف كل يوم عضوين على خمس ايام كل عضو لوحده وهحدد معاكم ان شاء الله المواعيد برده

وهيخرج من المرحله دى 4 متسابقين

وكدا يدخل للمرحله الرابعه 6 متسابقين فقط لاغييييييير


المرحله الرابعه :

ودى مرحله جديده برده فى المسابقه

الكـــابلــــز

يعنى ايه ياعم الانجليزى بقى

اقولكم طبعا كابلز كلكوا عارفين انها بتطلق على الاتنين الاصدقاء او الحبيبه او المخطوبين او حتى لاقدر الله المتجوزين

ومعاناها الثنائى

فى المسابقه بقى كل عضو من ال 6 اللى صعدوا معايا للمرحله دى هيختار الثنائى بتاعه ويقولى عليه مين من المنتدى

يعنى ايه بقى الكلام دا

يعنى ببساطه كل متسابق له حد قريب منه اوى فى المنتدى وحاكيله تقريبا على كل حاجه عن حياته فهيجى يقولى والله انا الشخص اللى عزيز عليا اوى وبحبه اوى وبعتبره الثنائى بتاعى هو كذا

انا هاجيب بقى الشخص دا واسئله عن حاجات فى حياة المتسابق اللى معايا وطبعا قبل ما اسئله هعرف انا حاجات عن المتسابق ماحدش يعرفها غيره هو والشخص التانى وانا هابقى التالت واشتغل انا بقى شغل المحاور على الثنائى بتاع المتسابق هانفخه اسئله عن حياة الراجل او البنوته اللى معايا فى المسابقه ولازم يجاوب وبناءا على اجابته هتحدد النقاط اللى هتتحط للمتسابق

هيتم ازاى بقى مش هينفع نقول دلوقتى الا لما ندخل فى المسابقه علشان مايبقاش فى استعدادت

لكن كل واحد من دلوقتى ومن اللى هيشتركوا معانا عارف مين مكمل الكابلز

ان شاء الله هيخرج من المرحله دى 4 متسابقين

علشان يتبقى للمرحله الاخيره والصعبه 2 متسابق فقط ..


المرحله الخمسه :

الموهــــبه

طبعا جوه كل واحد فينا موهبه ربنا سبحانه وتعالى رزقه بيها ودى حاجه الحمد لله مفروغ منها

سواء بقى

غناء - رسم - تقليد - شعر - قراءة قرأن - او حتى موهبة كرة القدم ممكن تتصور فيديو

ان شاء الله كل موهبه من دول هنتفق معاها تعمل ايه بالظبط منعا للغش لان انا هاراعى ربنا سبحانه وتعالى فى الناس اللى هتوصل للمرحله المهمه دى

وساعتها انا هشيل ايدى

لسبب واحد بس ان اللى هيحدد مين الفائز هم اعضاء المنتدى

يعنى هيبقى بالتصويت

يعنى هو فاااااائز واحد بس وان شاء الله اللى هياخد المركز الثانى برده ليه جايزه بس هتبقى اقل بدرجه كبيره من صاحب المركز الاول


بأذن الله الجوايز انا لسه بفكر فيها بس طبعا هيبقى فى جوائز ماديه سواء بقى كروت شحن سواء فلوس المهم انها هتكون فى شكل مادى

بجانب الجوائز المعنويه هيتعمله توقيع من تصميمى وهيتكتب فيه عبقرى المنتدى بجانب موضوع فيه حفل تكريم وهيتم ان شاء الله برده بمعرفتى ويمكن يشارك معايا فيه بعض الناس الجميله اللى بحبها وبقدرها جدا معانا فى المنتدى .........

انا طبعا عرضت الفكره وان شاء الله هانتظر منكم الرد وانتظر اشوف الاقبال عليها هيكون ازاى وهل فى تشجيع لانى اعملها او لا

لان فعلا المسابقه دى هتبقى محتاجه مجهود جااااااااااامد جدا منى ومن الناس اللى هتشارك فى المسابقه

فاتمنى يارب ان شاء الله انها تعجبكم ولو فى اى حد عنده رأى او فكره ممكن يضيفها ياريت يبلغنى بيها واكيد هحترم كلامه ورأيه جدا وان شاء الله هاشوفها ولو فى كلام فيها هنزل بيها فى المسابقه

وممكن ان شاء الله المسابقه تمتد لبعد رمضــــــان حسب الظروف ولما نشوف الاعضاء اللى هتشترك هنقدر برده الناس ونحاول اننا نساعدهم على اد ما نقدر

ان شاء الله ادامكم 3 ايام تقولولى رأيكم فى الفكره علشان نبدأ فيها من يوم 10 رمضــــــــان بأذن الله

وشروط المسابقه هتكون سهله وبسيطه على اعضائنا طبعا القدام والجداد هتحتاج شوية مجهود منكم فى انكوا تشتغلوا فى الاقسام شويه من ردود ومواضيع

وان شاء الله هنزل بيها فى الموضوع قبل ما انزل بالمسابقه بأن الله

كل سنه وانتم طيبين ويارب دايما نشوفكوا بكل خيــــر

رمضـــــــان كريـــــــم


شــــــروط المسابقــــــــــــــه

1- ان لايقل عدد مشاركات العضو عن 150 مشاركه على ان يكون على الاقل منهم موضوعين فى احد الاقسام

2- ان يكون العضو متفرغ فى الوقت مابين الساعه 1 ظهرا وحتى الساعه 5 مساءا لتحديد ميعاد المسابقه فى هذا الوقت

3- ان يلتزم حدود الادب فى التعامل مع اعضائنا الكرام ومع رأى لجنة التحكيم

4- متابعة المسابقه باستمرار فى حالة حدوث اى جديد


دى الشروط واعتقد انها بسيطه وسهله اوى ماحبتش اعقد الدنيا علشان نشوف الناس كلها معانا

ان شاء الله الجوايز هتحدد لما اتصل بحبيبى محمد جيرارد واتفق معاه وهاقولهالكوا قبل كمان مانبدأ المسابقه ان شاء الله

دلوقتى هنفتح باب الترشيــــــــح

واللى عايز يرشح نفسه يدخل يكتب الاتى :

اسمه

الكابلز بتاعه فى حالة الوصول للمرحله دى ان شاء الله


ولو بنت تكتب رقم التليفون

هههههههههههههههه

المهز

باب الترشيح مفتوووووووح ويالا اما نشوف مين اللى هيجى ومين اللى هينافس وهيولع الدنيا


كل سنه وانتم طيبين

__________________
يالااااااااااااااااااااااااااااااااااااااااااا

المسابقه هتبدأ وباب الترشيح مفتووووووووووح للى عايز يشارك فى اكبر واضخم مسابقه رمضانيه

مســــابقـــــة ... TiT0 ...


احنا منتظرررررررررررين مشاركة الناس والعدد محدووووووود

الحق وشارك بقلب جااااااااامد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mazika4arab.ba7r.org
 
مســــابقة مزيكا4عرب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مزيكا4 عرب :: ۩ღ۩ الاقسام العامة ۩ღ۩ :: ۩ღ۩ المســــــــــابـــقـــات ۩ღ۩-
انتقل الى: